Alles omtrent vakansies en net lekker rondry....
|
World Travel International ( WTI) |
| Ek
voel ek moet begin deur te vertel van my betrokkenheid met WTI. Vroeg in
Desember 2006 woon ek en my vrou een van hulle voorleggings by. Albei
van ons verstaan wat die aand aan ons vertel is as volg: - Daar is aan ons meegedeel dat as lede sal ons 'n veel groter verskeidenheid akkommodasie kan kry as wat ons huidiglik by die maatskappy kry deur wie ins tyddeelpunte besit aangesien WTI direk met die verskillende oorde onderhandel vir akkommodasie. Dit blyk toe egter nie die geval te wees nie aangesien ons met ons eerste probeerslag deur WTI, akkommodasie gesoek het in Februarie wat in die af seisoen is en ook nadat ons 5 keuses aan hulle gegee het, die beste wat hulle kon doen net 'n "studio" vertrek, wat wat nie aanvaarbaar was nie. Net om seker te maak, kontak ek toe die maatskappy deur wie ons ons tyddeelpunte gekoop het en terwyl ons nog met die oproep besig was, bevestig hulle vir ons akkommodasie!. Ons eerste teleurstelling. - WTI is nie aanlyn met hulle oorde nie en hulle moet die oorde telefonies kontak om besprekings te maak, dit neem 'n dag of meer, hang af hoe lank hulle moet soek. -Die hoofrede hoekom ons by WTI aangesluit het is dat hulle gesê het dat hulle ons tyddeelpunte vir ons sal verhuur en dat ons dan met die huurgeld wat hulle aan ons sou oorbetaal akkommodasie by hulle sal kan koop teen R1500 per week. Ek onthou nog dat ons dit bevraagteken het net om doodseker te maak dat ons reg gehoor het. Selfs die voorbeeld wat hulle vir ons op die skerm gewys het, het R1500 per week aangedui. Nooit was daar iets genoem van VANAF R1500 nie! Selfs op hulle webwerf word oorde aangedui as R1500 per week, ander oorde is aangedui as VANAF R1500, dus is dit vanselfsprekend dat die oorde wat nie as VANAF R1500 aangedui is nie wel net R1500 per week is. Groot was ons ontnugtering toe ons vir die eerste keer wou bespreek en ons meegedeel is dat alle oorde VANAF R1500 per week is afhangende van beskikbaarheid. Ons kry toe ook 'n lys van beskikbare oorde met pryse vanaf R2200 tot R5500 per week! Nogal 'n groot verskil van R1500 af. Ons besluit toe om te kanselleer, in die kontrak meld dit dat daar wel gekanselleer kan word mits beide partye daartoe instem, en natuurlik stem hulle nie daartoe in nie! Waar laat dit ons nou? Amper R9000 later en na ons 'n baie duur les geleer het is al wat ek kan doen hierdie feite op my webwerf sit. Die enigste manier om van hulle ontslae ta wees is om nie my jaarlikse lidmaatskafooi te betaal nie en dat hulle hulle dienste opskort en hopelik ook die kontrak kanselleer. 'n Paar wenke: -As jy ooit 'n kontrak moet
onderteken, maak seker dat daar 'n duidelike kansellasie klousule in is
en wat ook terugbetaling van enige gelde insluit. Maak seker dat jy
genoeg tyd het om te kanselleer, ten minste een of twee maande. As daar
nie so 'n klousule is nie, laat dit insit, as hulle nie wil nie, moet
nie teken nie. Hierdie is net die feite soos deur ons gesien, ek maak geen beskuldigings nie, besluit maar vir julleself! |
|
|
|
|
|
|
| DIE WEER VANDAG |
 |
Oos-Kaap
Oos-Londen Plettenbergbaai Port Elizabeth Umtata |
Vrystaat Bloemfontein Bethlehem Welkom |
Gauteng Johannesburg Pretoria Vereeniging |
KwaZulu-Natal Durban Ladysmith Pietermaritzburg Richardsbaai |
Limpopo Lephalale Polokwane Phalaborwa Hoedspruit |
Mpumalanga Ermelo Nelspruit Witbank |
Noord-Kaap Alexanderbaai Kimberley Springbok Upington |
Noord-Wes Mmabatho Pilanesberg Rustenburg |
|
Wes-Kaap Beaufort Wes Kaapstad George Langebaan |
 Met erkenning aan die Suid-Afrikaanse Weerdiens.
|
||
